«Қазақстан темір жолы» ұлттық компаниясы» АҚ жүк вагондары паркін жаңарту бойынша жүйелі жұмыс жүргізуде. Соңғы үш жыл ішінде компания отандық өндіруші — «Қазақстандық вагон жасау компаниясы» ЖШС-нен (ҚВЖК) шамамен 3 мың жартылай вагон сатып алды. Ал алдағы 5 жыл ішінде компания осы отандық өндірушіден тағы шамамен 13 мың жүк жартылай вагонын сатып алуды жоспарлап отыр. Бұл ел ішінде әлеуметтік маңызы бар жүктерді (көмір, қиыршық тас, құрылыс материалдары), сондай-ақ экспорттық коммерциялық жүктерді уақытылы тасымалдауға мүмкіндік береді.

Компания тұрақты модель қалыптастыруда:

отандық оператор — отандық өндіруші — отандық тұтынушы.

Еске сала кетейік, қазіргі уақытта «Қазтеміртранс» АҚ-ның жартылай вагондар паркі шамамен 29 мың бірлікті құрайды. Оның ішінде 24 мың жартылай вагон ішкі тасымалдарға — көмір мен қиыршық тас жеткізуге бекітілген. Тағы 5 мың вагон экспорттық тасымалдарға пайдаланылуда. Сонымен қатар, бұл вагондармен тасымалдауды ұйымдастыру мәселелері жүк жөнелтушілер мен жылжымалы құрам операторлары арасындағы шаруашылық-құқықтық қатынастар негізінде реттеледі.