«Қазтеміртранс» АҚ өз клиенттері мен серіктестерін алдағы күз-қыс кезеңінде базалық тарифтік шарттардың сақталатыны туралы хабарлайды. Стандартты тарифтер шеңберіндегі тасымалдау құны өзгеріссіз қалады.

Сонымен қатар, жазғы кезеңде клиенттерге жеке сұраныстар бойынша ұсынылған тарифтердің әрекеті ағымдағы жылдың 31 тамызында аяқталды.

Компания сондай-ақ қолданыстағы және болашақ Қызмет көрсету келісімшарттары аясында жаңа тиімді ұсынысты жариялайды. Айта кетейік, бұл келісімшарттар кепілдендірілген вагон паркі мен кепілдендірілген тасымалдау көлемін белгілеу принципі бойынша жасалады.

2025 жылғы 1 қыркүйектен бастап «Қазтеміртранс» АҚ айына 1000 вагоннан астам тасымалдау көлемі бар клиенттер үшін тарифтердің қосымша төмендеуін ұсынады.

Осы бастама ұзақ мерзімді серіктестікті нығайтуға және жаңа бірлескен логистикалық жобалардың негізін құруға мүмкіндік береді деп күтілуде.

Сонымен қатар, үш жылдық ұзақ мерзімді Қызмет көрсету келісімшарттарын дайындау жұмыстары жүргізілуде, егжей-тегжейлі ақпарат жақын арада жарияланатын болады.